A iniciativa impulsada por Hestia Health con motivo do Día Mundial da Disfagia tivo unha excelente acollida e acadou un amplo impacto en todos os nosos centros, consolidándose como unha acción de sensibilización e educación en saúde de gran valor.
Durante a campaña, a mensaxe sobre a importancia de identificar e abordar a disfagia estivo presente de maneira transversal na organización. Os equipos profesionais informaron e orientaron a pacientes e persoas usuarias, compartindo recomendacións prácticas e resolvendo dúbidas relacionadas cunha deglución segura e coa prevención de riscos asociados.
Esta acción permitiu reforzar o papel dos profesionais como axentes clave na educación sanitaria, promovendo unha maior conciencia sobre unha alteración frecuente pero a miúdo infradiagnosticada, e poñendo o foco na prevención e na detección precoz.
Desde Hestia Health valoramos moi positivamente a implicación e o compromiso dos equipos e profesionais ue fixeron posible esta iniciativa, e agradecemos a súa dedicación para achegar información útil e próxima ás persoas atendidas. Accións como esta reflicten o noso compromiso cunha atención baseada no coñecemento, na prevención e no benestar das persoas.
