Con motivo do Día Internacional do Autocoidado, en Hestia Health San José organizouse unha xornada práctica para lembrar que coidarse non debe ser unha acción puntual, senón un hábito presente as 24 horas do día, os 7 días da semana.
Nas persoas con trastorno mental grave, manter determinadas rutinas de coidado persoal pode resultar máis difícil nalgúns momentos. A sintomatoloxía, o estado de ánimo ou a perda de hábitos poden influír no seu día a día. Por iso, desde a área de Terapia Ocupacional deseñáronse actividades accesibles e funcionais, orientadas a acompañar cada persoa na recuperación e no mantemento da súa autonomía.
A xornada comezou con exercicios de mobilidade articular e estiramentos para favorecer a activación corporal e o benestar emocional. Despois, realizáronse obradoiros de coidado facial e das mans, nos que se traballaron a hixiene, a hidratación, a relaxación e a conciencia corporal.
Tamén se reservou un espazo para o descanso e a socialización, entendidos como unha parte esencial do autocoidado. A actividade concluíu cunha breve relaxación guiada.
En Hestia Health, facilitar ferramentas que axuden as persoas a coidarse, reforzar a súa autonomía e mellorar o seu benestar forma parte do noso compromiso cunha atención integral, próxima e centrada na persoa. A través de iniciativas como esta, seguimos acompañando a quen confía en nós para favorecer a súa calidade de vida.