Hestia Health Residencia Esquerdo concíbese como un Recurso de Rehabilitación Psicosocial para que persoas con trastorno mental poidan traballar no fortalecemento das súas habilidades e na reconstrución das súas redes sociais, co obxectivo de facilitar o aumento do grao de autonomía e a súa integración na comunidade. Incluída dentro da Rede de atención a persoas con enfermidade mental crónica, grave e duradeira da Consellería de Políticas Sociais, está xestionada desde a súa apertura en 2018 por Hestia Health, unha organización con máis de 25 anos de experiencia no ámbito da atención integral sociosanitaria e da saúde mental. Empatía, compromiso e enfoque integral inspiran a Hestia Health. e aos seus profesionais altamente cualificados na resposta ás necesidades asistenciais das súas persoas usuarias.