En Hestia Health sumámonos ao Día Mundial da Disfagia, unha data dedicada a visibilizar unha alteración que afecta a millóns de persoas e que, a pesar da súa frecuencia, continúa sen ser diagnosticada de maneira adecuada.
A disfagia é a dificultade para tragar alimentos, bebidas ou mesmo a propia saliva, un problema que pode aparecer a calquera idade, pero que é especialmente habitual en persoas maiores ou en quen presentan determinadas patoloxías neurolóxicas ou médicas. Pode provocar complicacións graves como desnutrición, deshidratación ou pneumonía por aspiración, polo que a detección precoz e o abordaxe interdisciplinar son fundamentais.
Como recoñecela:
Entre os sinais máis frecuentes inclúense:
– Tose ou carraspeo durante ou despois das comidas.
– Atragantamentos frecuentes.
– Voz roqueira durante a inxesta.
– Necesidade de tragar varias veces o mesmo anaco.
– Retención de alimentos na boca ou nas meixelas.
– Comer máis amodo do habitual.
Para reducir riscos, é esencial adoptar unha postura adecuada ao comer e adaptar a textura dos alimentos, entre outras prácticas. O documento descargable inclúe máis consellos para unha deglución segura e as pautas básicas para actuar diante dun atragantamento.
En Hestia Health impulsamos a detección precoz da disfagia e a súa correcta actuación. Promovemos a formación continua dos nosos equipos e aplicamos boas prácticas que contribúen a unha atención máis segura e a unha mellor calidade de vida das persoas ás que atendemos.